【和情人深深擁抱來減壓】
正所謂你有壓力！我有壓力！
壓力唔單止源自工作，由你一起身擘大眼，問個天點解要咁早起身？點解屋企啲咖啡咁難飲？
到出門口逼巴士逼地鐵嗰刻，返到Office坐低，可能未到下午你已經完成左好多野，但可惜…
無一樣野係你真正想去做。
每個人都有唔同嘅解壓方法，曾經有個同事，佢每日都催眠自己，當你返到公司，每日都會講一句：「正啊！又有得返工做嘢！」同埋「Woo～又可以OT，全日都可以工作，正啊！」
不過呃得一時唔呃得一世，自從前排老闆無加人工畀佢，佢每日都詛咒緊老闆。
而女友豆姐亦有佢嘅解壓方法，每星期放假嗰幾日見到佢。
我都會攤開手，佢會撲上黎攬住我。
佢個頭會依靠我膊頭，我會問佢一句
「點啊，係咪好攰啊？」
「係啊…」
之後同我講返工發生咩事，有時會企喺條街攬足五分鐘，有時仲會講到喊。
豆姐話放假其實乜都唔使做，未必要煮定燭光晚餐，唔需要送咩驚喜。
只想兩個人攤喺梳化互相擁抱，已經係最充電、最舒解。
相信好多讀者都知我最近結婚，有朋友問「點解要結婚？結婚都係多張紙。」
又要擔心鬧交、離婚，又要擔心擺酒、買樓、生仔…
其實啱嘅，結婚可以離婚，呢個世界無咩可以承諾同保證。
但如果有人拍咗拖多年相信會明白，結婚可以當係畀個原因去令段關係進入另一個階段。
我最想結婚嘅原因好簡單，係想同豆姐「生活」多啲。
我想每朝起身都見到佢，生活所有細節都有佢嘅存在。
又可以每日幫佢充電～一舉多得。
＝＝＝遊戲時間＝＝＝
1. 撳入遊戲Post：https://bit.ly/2KOXMTB
2. 讚好 DBS星展銀行 Facebook專頁同分享遊戲Post
3. 留言分享你最想喺「Hurry Less、Stress Less、Worry Less」入面做到邊個，同解釋有咩令你咁Hurry / Stress / Worry
4. 最有創意嘅2位參加者每人會獲得獎品$5,000元新航假期旅遊禮券一張，另外20位優異參加者每人將獲得$500元NIKE禮品卡
遊戲結束日期：2018年7月15日 晚上11時59分
#DBS
#DBS50
#DBSLiveMore
#LivemoreBankless
Search